सरकारलाई व्यंग्य गर्दै स्थानीयले कलंकी–नागढुंगा सडक मर्मत गर्दै

६ श्रावण २०७५, आईतवार १४:३२

लामो समयदेखि अलपत्र कलंकी–नागढुंगा सडक निर्माण रोकिएपछि स्थानीयले सांकेतिक विरोध गरेका छन् ।

कलंकी–नागढुंगा बाटो निर्माण दवाव समूह गठन गरि चन्द्रागिरिका स्थानियहरूले आइतबार बिहान सडकका खाल्डा पुरेर विरोध प्रदर्शन गरेका हुन् ।

स्थानीयले ‘हाम्रो सडक हामी बनाउँछौं’ लेखिएका प्लेकार्ड बोकेर दुई घण्टा सडक जाम गरेर नाराबाजी समेत गरेका थिए ।

विरोध कार्यक्रममा वोल्दै कंलकी नागढुगां सडक छिटो वन नसक्दा लाखौ जनता मारमा परेको भन्दै स्थानीयहरू विरोधमा उत्रिएका हुन । वाटोकै कारण सडक जाम,दुर्घटना र विरामीहरूको वाटैमा मृत्युु हुने गरेको कारण दवाव स्वरूप सडकका खाल्डा पुरेर विरोध प्रदर्शन गर्नु परेको संघर्ष समितिका सदस्य तथा समितिका संचार संयोजक रोसन दानीले वताए ।

स्थानीयको प्रदर्शनका कारण केहीबेर राजधानी भित्रिने र बाहिरिने सवारी आवागमन अस्तव्यस्त बन्न पुगेको थियो ।

कलंकी–नागढुंगा बाटो निर्माण दवाव समूह अध्यक्ष ईश्वर लामाले सडक निर्माणका लागि सरकारलाई आग्रह गर्दा गर्दै वाटो वनाउने सरकारले नै आलटाल गरिरहेको कारण यस्तो विरोध गरेको बताए । उनले शैलुङ कन्ष्ट्रक्सनको लापरवाहीले सडक निर्माण प्रभावित भएकाले कारबाही गरेर गति दिन सरकारसँग आग्रह गरे ।

कलंकी–नागढुंगा सडक निर्माण शुरु भएको लामो समय गुज्रिसके पनि यो अझै सम्पन्न भएको छैन । बाटो निर्माण अलपत्र पर्दा स्थानीयले सडक असुविधासँगै धूलो–धुवाको सामना गरिरहेका छन् ।

कलंकी–नागढुंगा बाटो निर्माण दवाव समूह सचिव मोहन डाँगीले अब कंलकी नागढुगां सडक सरकारले नवनाए जनताहरूले वनाउने व्यंग्य गर्दै तत्काल सरकारको ध्यानाकर्षण हुनु पर्ने वताए । वाटो चाडो नवनाए जस्तो सुकै संघर्ष गर्ने पनि आफुहरू तयार रहेको वताएका छन् ।

साभार : news24nepal.tv

तपाईको प्रतिक्रिया